ଅନୁଗୋଳ/ କିଶୋର ନଗର ; ତା-୧୮/୦୪ ( ବିଏମସି ଟିଭି ଓଡ଼ିଆ )
ଅନୁଗୋଳ ଜିଲ୍ଲା କିଶୋର ନଗର ବ୍ଲକ ଅନ୍ତର୍ଗତ NIWCYD ପକ୍ଷରୁ ନାକଚି ଗ୍ରାମ ପଞ୍ଚାୟତର କଣ୍ଡାଳ ଗ୍ରାମରେ ସ୍ଥାନୀୟ ସମୁଦାୟ ସଦସ୍ୟ, ସ୍ଟେକହୋଲ୍ଡର ଏବଂ ସ୍ୱଚ୍ଛତା କର୍ମୀମାନଙ୍କ ସହଯୋଗରେ ଏକ ସ୍ୱଚ୍ଛତା ଅଭିଯାନ (Cleaning Drive Program) ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମରେ ସାର୍ବଜନିକ ସ୍ଥାନ, ରାସ୍ତା କୂଳ ଓ ଆସପାସ ଅଞ୍ଚଳ ସଫା କରାଯାଇଥିଲା। ଗ୍ରାମବାସୀମାନଙ୍କ ମଧ୍ୟରେ ସ୍ୱଚ୍ଛତା, ସ୍ୱାସ୍ଥ୍ୟ ସଚେତନତା ଓ ପରିବେଶ ସୁରକ୍ଷା ପ୍ରତି ଜାଗୃକତା ସୃଷ୍ଟି କରିବା ଏହି ଅଭିଯାନର ମୁଖ୍ୟ ଉଦ୍ଦେଶ୍ୟ ଥିଲା। ସ୍ଥାନୀୟ ଲୋକମାନେ ଉତ୍ସାହର ସହିତ ଯୋଗଦେଇ ସ୍ୱଚ୍ଛ ଓ ସୁସ୍ଥ ଗ୍ରାମ ଗଠନ ପ୍ରତି ସମର୍ଥନ ଜଣାଇଥିଲେ।
କାର୍ଯ୍ୟକ୍ରମର ଫଳାଫଳ:
ଏହି ସ୍ୱଚ୍ଛତା ଅଭିଯାନ ମାଧ୍ୟମରେ ସ୍ୱଚ୍ଛତାର ଗୁରୁତ୍ୱ ସମ୍ପର୍କରେ ସଚେତନତା ବୃଦ୍ଧି ପାଇଲା, ସାର୍ବଜନିକ ସ୍ଥାନରେ ଆବର୍ଜନା ସଂଗ୍ରହ କମିଲା ଏବଂ ଗ୍ରାମବାସୀମାନେ ନିୟମିତ ସଫା-ସୁଥା ପ୍ରଚଳନ କରିବାକୁ ପ୍ରେରିତ ହେଲେ। ଏହା ସହିତ ସମୁଦାୟ ଭାଗିଦାରିକୁ ଆହୁରି ସୁଦୃଢ କରି ସ୍ୱଚ୍ଛ ଓ ସୁସ୍ଥ ଗ୍ରାମ ଗଠନରେ ସହଯୋଗ ମିଳିଲା।ସେହି କାଯ୍ୟକ୍ରମ ରେ NIWCYD ର କାର୍ଯ୍ୟକର୍ତ୍ତା ଦେବାଶିଷ ଦାସ, ଦେବଜ୍ୟୋତି ପାଲ, ଲିଜା ଦେଇ ପ୍ରଧାନ ଉପସ୍ଥିତ ଥିଲେ।
ଅନୁଗୋଳ ଜିଲ୍ଲା କିଶୋର ନଗର ବ୍ଲକ ରୁ ଦିପକ କୁମାର ସାହୁ ଙ୍କ ରିପୋର୍ଟ ବିଏମସି ନ୍ଯୁଜ୍ ଓଡ଼ିଶା ।
