ବଲାଙ୍ଗୀର/ଟିଟିଲାଗଡ: ତା ୧୯/୧୨ (ବିଏମସି ଟିଭି ଓଡ଼ିଆ)
ଟିଟିଲାଗଡ଼ ରେଳ ଷ୍ଟେସନ ରେ ଜି ଆର ପି ପୋଲିସ ୧୧ କେଜି ୫୮୮ ଗ୍ରାମ ରୁ ଉର୍ଦ୍ଧ୍ ଗଞ୍ଜେଇ ଜବତ ସହ ଜଣେ ଅଭିଯୁକ୍ତ କୁ ଗିରଫ କରି କୋର୍ଟ ଚାଲାଣ କରିଛି । ଟିଟିଲାଗଡ ଜି ଆର ପି ଆଇଆଇସି ଇନ୍ସପେକ୍ଟର ବିନୟ କୁମାର ଭୋଇ ଙ୍କ ନେତୃତ୍ୱ ରେ ଟିଟିଲାଗଡ଼ ରେଳ ଷ୍ଟେସନ ଅଞ୍ଚଳରେ ଚୋରା ସାମଗ୍ରୀ ଚିହ୍ନଟ ପାଇଁ ପ୍ଲାଟଫର୍ମ ଅଞ୍ଚଳ, ଟ୍ରେନ, ସନ୍ଦିଗ୍ଧ ଯାତ୍ରୀଙ୍କ ଜିନିଷପତ୍ର ଯାଞ୍ଚ କରିବା ସହିତ ପେଟ୍ରୋଲିଂ ଡ୍ୟୁଟି କରୁଥିବା ସମୟରେ ରେଡ୍ ଟିମ୍ ଦେଖିଲା ଯେ ଜଣେ ସନ୍ଦିଗ୍ଧ ବ୍ୟକ୍ତି ପାର୍ସଲ ଅଫିସ ଗେଟ ଦେଇ ଗୋଟିଏ ରଙ୍ଗୀନ ଟ୍ରଲି ବ୍ୟାଗ ଧରି ରେଳ ଷ୍ଟେସନକୁ ପ୍ରବେଶ କରୁଛନ୍ତି। ସନ୍ଦେହ ହେବାରୁ ତୁରନ୍ତ ରେଡ୍ ଟିମ୍ ତାଙ୍କୁ ଟିଟିଲାଗଡ଼ ରେଳ ଷ୍ଟେସନର ପାର୍ସଲ ଅଫିସ ନିକଟ ପ୍ଲାଟ ଫର୍ମ ନମ୍ବର ୦୧ ରେ ଅଟକ ରଖିଥିଲା । ଅଭିଯୁକ୍ତ ର ନାମ ଚକ୍ରଧର ଛତ୍ରିଆ (୨୯) ପିତା- ବିରଞ୍ଚି ଛତ୍ରିଆ, ଗାଁ ଝୁରଲାକାନି, ଥାନା- ଦେଓଗାଁ, ଜିଲ୍ଲା – ବଲାଙ୍ଗୀର, ଓଡିଶା ବୋଲି ଜଣା ପଡିଛି । ଇନ୍ସପେକ୍ଟର ବିନୟ କୁମାର ଭୋଇ ଲଗେଜ୍ ବାହାର ରୁ ଯାଞ୍ଚ କରିଥିଲେ, ଯେଉଁଠାରୁ ଗଞେଇ ର ତୀବ୍ର ଗନ୍ଧ ବାହାରୁଥିବା ଜଣା ଯାଇଥିଲା । ଅପରାଧୀ ସ୍ୱୀକାର କଲା ଯେ ସେ ଏକ ଟ୍ରଲି ବ୍ୟାଗ ଭିତରେ ଚୋରା ଗଞ୍ଜେଇ ପ୍ୟାକେଟ ଲୁଚାଇ ଟିଟିଲାଗଡ଼ ରୁ ଦୁର୍ଗକୁ ଚୋରା ରେ ନେଇ ଯାଉଥିଲା । ଅଭିଯୁକ୍ତ ନିକଟରୁ ମୋଟ ୧୧ କେଜି.୫୮୮ ଗ୍ରାମ ଚୋରା ଗଞ୍ଜେଇ ଜବତ କରାଯାଇଛି । ଏ ସମ୍ପର୍କରେ ଟିଟିଲାଗଡ଼ ଆଇଆଇସି ଏନଡିପିଏସ୍ ଆଇନ ଅନୁଯାୟୀ ଜିଆରପିଏସ୍ କେଶ ରୁଜୁ କରି ଅଭିଯୁକ୍ତ କୁ ଗିରଫ କରି ଟିଟିଲାଗଡ଼ କୋର୍ଟକୁ ପଠେଇ ଦିଆଯାଇ ଥିବା ସୁଚନା ଦିଆ ଯାଇଛି ।
ବଲାଙ୍ଗୀର ଟିଟିଲାଗଡ ରୁ ସନ୍ତୋଷ କୁମାର ନାୟକଙ୍କ ରିପୋର୍ଟ ବିଏମସି ନ୍ୟୁଜ ଓଡ଼ିଶା ।
