ଢେଙ୍କାନାଳ ;ତା-୧୨/୦୬(ବିଏମସି ଟିଭି ଓଡ଼ିଆ)
କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଅନ୍ତର୍ଗତ ବେଲତଳ ଗ୍ରାମର ଦିଲ୍ଲୀପ୍ ଅଧିକାରୀଙ୍କର ଗତ ଦୁଇ ଦିନ ତଳେ କୌଣସି କାରଣ ବଶତଃ ଅଗ୍ନିକାଣ୍ଡ ଘଟି ୩, ବଖରା ବାସଗୃହ ସମ୍ପୂର୍ଣ ପୋଡ଼ି ଭସ୍ମୀଭୂତ ହୋଇଯାଇଥିବା ବେଳେ, ଘରେ ଗଚ୍ଛିତ ଥିବା ଧାନ,ଚାଉଳ,ବିରି, ମୁଗ,ଟଙ୍କା ପଇସା, ସୁନା, ରୂପା ଆସବାବ ପତ୍ର ଯାହା ସବୁ ଥିଲା ତାହା ସମ୍ପୂର୍ଣ ପୋଡ଼ି ଭସ୍ମୀଭୂତ ହୋଇଯାଇଛି। ପିନ୍ଧିଥିବା ବସ୍ତ୍ର ଖଣ୍ଡେ ଛାଡିଦେଲେ ଆଉ କୌଣସି ଜିନିଷ ପତ୍ର ଉଦ୍ଧାର କରି ପାରିନାହାନ୍ତି।ବର୍ତ୍ତମାନ୍ ସମୟରେ ସମ୍ପୂର୍ଣ ପରିବାର ବେସାହାରା ହୋଇଯାଇଛନ୍ତି।
ତେବେ ଏଭଳି ଏକ ଦୁଃଖଦ ଖବର ଶୁଣିଲା ପରେ ସମଗ୍ର ଓଡ଼ିଶା ସେବା ଅଭିଯାନ ରେ ସାମିଲ ଥିବା ଓଡ଼ିଶାର ଅଗ୍ରଣୀ ସ୍ୱେଚ୍ଛାସେବୀ ସଙ୍ଗଠନ ଶ୍ରୀ ସତ୍ୟ ନାରାୟଣ ସେବା ଟ୍ରଷ୍ଟ ପରିବାରର ସଭାପତି ଚନ୍ଦନ କୁମାର ମହାରଣାଙ୍କ ନେତୃତ୍ୱରେ ସମସ୍ତ ସଦସ୍ୟ ଓ ସଦସ୍ୟା ମାନଙ୍କ ସାହାଯ୍ୟ ସହଯୋଗରେ ଆଜି ଉକ୍ତ ଅଗ୍ନି ବିପନ୍ନ ପରିବାରଙ୍କ ନିକଟରେ ପହଞ୍ଚି ତାଙ୍କୁ ଟିକେ ସାନ୍ତ୍ଵନା ଦେବା ସହିତ ଦୁଇ ମାସର ରାସନ୍ ସାମଗ୍ରୀ ସହିତ ବସ୍ତ୍ର, ପାଲ, ବାଲ୍ଟି, ସପ୍, ମଘ, ଏବଂ ଅନ୍ୟାନ୍ୟ ସାମଗ୍ରୀ ପ୍ରଦାନ କରିଥିଲେ ।ଏବଂ ଉକ୍ତ ଟ୍ରଷ୍ଟ ତରଫରୁ ସ୍ଥାନୀୟ ପ୍ରଶାସନ ଓ ବିଭିନ୍ନ ସ୍ୱେଛାସେବୀ ସଙ୍ଗଠନ ମାନଙ୍କୁ ନିବେଦନ କରି କହିଛନ୍ତି ଏହି ଅଗ୍ନି ବିପନ୍ନ ପରିବାରଙ୍କ ବିପଦ ସମୟରେ ତାଙ୍କୁ ଗୋଟେ ବାସ ଗୃହ ସହିତ କିଛି ଆର୍ଥିକ ସହାୟତା ଯୋଗାଇଦେବା ପାଇଁ । ଆଜିର ଏହି ଘର ପୋଡ଼ି ପୋଗ୍ରାମ୍ ରେ ଶ୍ରୀ ସତ୍ୟ ନାରାୟଣ ସେବା ଟ୍ରଷ୍ଟ ପରିବାର ତରଫରୁ ସଭାପତି, ଚନ୍ଦନ କୁମାର ମହାରଣାଙ୍କ ସମେତ ଆଶିଷ କୁମାର ସାହୁ, ରଜତ ରଞ୍ଜନ ବେହୁରା, ସଞ୍ଜୟ କୁମାର ପଣ୍ଡା, ଶିଶିର କୁମାର ସେଣ, ଅମର କୁମାର ମଲିକ,ଉପସ୍ଥିତ ଥିଲେ । ଏଭଳି ଏକ ମାନବୀୟ ମୂଲ୍ୟବୋଧର ପ୍ରମାଣ ସ୍ବରୁପ ଆମେ ସବୁ ଅସହାୟ ର ସାଥୀ ଆହ୍ବାନ କୁ ପ୍ରମାଣିତ ପୂର୍ବକ ସେବା କାର୍ଯ୍ୟକୁ ସ୍ଥାନୀୟ ଗ୍ରାମବାସୀ ଶ୍ରୀ ସତ୍ୟ ନାରାୟଣ ସେବା ଟ୍ରଷ୍ଟ ର ଭୂୟସୀ ପ୍ରଶଂସା କରିବା ସହିତ ସଂଗଠନର ଉତ୍ତରୋତ୍ତର ଉନ୍ନତି କାମନା ତଥା ପ୍ରତୈକ ଟି ସଦସ୍ୟ ଙ୍କ ଉଜ୍ବଳ ଭବିଷ୍ୟତ କାମନା କରିଥିଲେ।
ଢେଙ୍କାନାଳ ରୁ ବିଭୁପ୍ରସାଦ ଶତପତି ଙ୍କ ରିପୋର୍ଟ ବିଏମସି ନିୟୁଜ ଓଡ଼ିଶା।
