ବଲାଙ୍ଗୀର ତା-୦୭/୦୬(ବିଏମସି ଟିଭି ଓଡ଼ିଆ)
ବଲାଙ୍ଗୀର ଜିଲ୍ଲା ଆଦିବାସୀ କଲ୍ୟାଣ ମହାସଂଘ ପକ୍ଷରୁ ପାନୀୟ ଜଳ ସମସ୍ୟା କୁ ନେଇ ଏକ ସାମ୍ୱାଦିକ ସମ୍ମିଳନୀ ସ୍ଥାନୀୟ ଆଦିବାସୀ ଭବନ ଠାରେ ଅନୁଷ୍ଠିତ ହୋଇ ଯାଇଛି ।ଟିଟିଲାଗଡ଼ ସବ ଡିଭିଜନ ,ମୁରିବାହାଲ, ବଙ୍ଗୋମୁଣ୍ଡା, ସଇଁତଲା, ତୁରେକେଲା,ବଙ୍ଗୋମୁଣ୍ଡା ତଥା ଅନେକ ବ୍ଲକ ଅଞ୍ଚଳ ର ଅଧିବାସୀ ପାନୀୟ ଜଳ ଟୋପାଏ ପାଇଁ ଡହଳ ବିକଳ ହୋଇ ଆସୁଛନ୍ତି ।ନାମକୁ ମାତ୍ର ସୂଚନା ଫଳକ ଓ ଓଭର ହେଡ ଟ୍ୟାଙ୍କର ଆଳରେ କୋଟି, କୋଟି ଟଙ୍କା ହଡ଼ପ କରିଦେଇ ସେହିପରି ଭାବେ ଛାଡ଼ି ଦିଆଯାଇଛି । ବିଗତ ଦିନରେ ବିଭାଗୀୟ ମନ୍ତ୍ରୀ ରବି ନାରାୟଣ ନାଏକ ଏକ ଗସ୍ତ ରେ ଆସି ଏହା ପୂର୍ବ ସରକାର ଙ୍କ କାମ ତାଙ୍କ ଶାସନ କାଳ କୁ ଦୁଇ ବର୍ଷ ହେଇଥିବା ଓ ଏ ସମସ୍ୟା ତୁରନ୍ତ ସମାଧାନ ହୋଇ ଯିବ କହି ଦୃଢୋକ୍ତି ପ୍ରକାଶ କରିଥିଲେ ।ପରିତାପ ର ବିଷୟ ଯେ,ଆଜି ସୁଦ୍ଧା ସେହିଭଳି ସ୍ଥିତି ଥିବା ବେଳେ ଲୋକ ଙ୍କ ସମସ୍ୟା ଆଉ ଉତ୍କଟ ରୂପ ଧାରଣ କରିଛି । ଜିଲ୍ଲା ରେ ଜିଲ୍ଲା ଆଦିବାସୀ କଲ୍ୟାଣ ସଙ୍ଘର ସଂଗଠକ ଥବୀର ପୁଝାରୀଙ୍କ ଆହ୍ୱାନକ୍ରମେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା । ଏହି ସମସ୍ୟାର ଶୀଘ୍ର ସମାଧାନ ପାଇଁ ଉପଜିଲ୍ଲାପାଳଙ୍କୁ ସାମ୍ବାଦିକ ସମ୍ମିଳନୀ ମାଧ୍ୟମରେ ଜଣାଇଥିଲେ । ଏହାର ତୁରନ୍ତ ସମାଧାନ ନ କରା ଗଲେ ଟିଟିଲାଗଡ଼ ଉପଜିଲ୍ଲାପାଳ କାର୍ଯ୍ୟାଳୟ ଘେରାଉ କରାଯିବା ସହ ବିକ୍ଷୋଭ ପ୍ରଦର୍ଶନ ଓ ମନ୍ତ୍ରୀ ଙ୍କ କୁଶ ପୁତ୍ତଳିକା ଦାହ କରାଯିବ ବୋଲି ସାମ୍ୱାଦିକ ସମ୍ମିଳନୀରେ ଜିଲ୍ଲା ଆଦିବାସୀ କଲ୍ୟାଣ ସଙ୍ଘ ସଂଗଠକ ଶ୍ରୀ ପୁଝାରୀ ଚେତାବନୀ ଦେଇଥିଲେ । ବିଶେଷ ଦ୍ରଷ୍ଟବ୍ୟ ଯେ ବିଗତ ଦିନରେ ସଙ୍ଘ ତରଫ ରୁ ଭୁବନେଶ୍ଵର ମୁଖ୍ୟ କାର୍ଯ୍ୟାଳୟ ତଥା ମୁଖ୍ୟମନ୍ତ୍ରୀ ଙ୍କ ନିକଟକୁ ଯାଇ ଅଭିଯୋଗ କରି ସୁଦ୍ଧା କିଛି ସୁଫଳ ମିଳିନାହିଁ,ଏଣୁ ଆନ୍ଦୋଳନ ପାଇଁ ବାଧ୍ୟ ବୋଲି ପ୍ରକାଶ ପାଇଛି।
ଏହି କାର୍ଯ୍ୟକ୍ରମରେ ଜିଲ୍ଲା ଆଦିବାସୀ କଲ୍ୟାଣ ସଙ୍ଘର ଉପଦେଷ୍ଟା ଦେବସିଂ ମାଝୀ, ସଙ୍ଘର ଲମ୍ବୋଦର ଭୋଇ, ରୁଦ୍ର ମାଝୀ, ସିଦ୍ଧାନ୍ତ ମାଝୀ, ପିଣ୍ଟୁ ମାଝୀ, ଭୁବନେ ମାଝୀ, ପରଂବ୍ରହ୍ମ ମାଝୀ, ଟିକେଶ୍ୱର ଭୋଇ, ନାରୀନେତ୍ରୀ ରୀନା ମାଝୀ, ପତ୍ରଙ୍ଗି ମାଝୀ ସମୂହ ଉପସ୍ଥିତ ଥିଲେ ।
ବଲାଙ୍ଗୀର ରୁ ସନ୍ତୋଷ କୁମାର ନାୟକ ଙ୍କ ରିପୋର୍ଟ ବିଏମସି ନିୟୁଜ ଓଡ଼ିଶା।
