ପାଟଣା ; ତା-୨୮/୦୩ ( ବିଏମସି ଟିଭି ଓଡ଼ିଆ)
କେନ୍ଦୁଝର ଜିଲ୍ଲା ପାଟଣା ବ୍ଲକ ବଡ଼ ପାଟଣା ପଞ୍ଚାୟତ ଅନ୍ତର୍ଗତ ଗୁଳୁଦିପଶି ଗ୍ରାମରେ ୨୬ ରୁ ଅଖଣ୍ଡ ଚବିଶ ପ୍ରହର ନାମଯଜ୍ଞ ଆରମ୍ଭ ହୋଇଯାଇଛି । ନାମଯଜ୍ଞ ପୂର୍ବରୁ ଗ୍ରାମ ନିକଟରେ ଥିବା ନାଳକୁ ଯାଇ ସେଠାରେ ପୂଜାର୍ଚ୍ଚନା କରି କଳସରେ ପାଣି ଆଣି ଭଜନ କୀର୍ତ୍ତନ ସହ ଗ୍ରାମରେ କଳସୀ ଯାତ୍ରା କରା ଯାଇଥିଲା। ଏହାପରେ ଏହି କଳସ ଯାତ୍ରା ନାମଯଜ୍ଞ ମଣ୍ଡପରେ ପହଞ୍ଚି ଥିଲା।
ଏହି ଅଖଣ୍ଡ ଚବିଶ ପ୍ରହର ନାମଯଜ୍ଞ ଗୁଳୁଦିପଶି ଗ୍ରାମରେ ଦୀର୍ଘ ବର୍ଷ ଧରି ହୋଇ ଆସୁଛି । ଏହି ନାମ ଯଜ୍ଞରେ ପୂଜକ ଭାବେ ତରୁଣ କୁମାର ତ୍ରିପାଠୀ ପୂଜାର୍ଚ୍ଚନା କରୁଥିବାବେଳେ କର୍ତ୍ତା ଭାବେ ନିରଞ୍ଜନ ବାରିକ୍, ରଘୁ ଦେହୁରୀ, ଜୟକୃଷ୍ଣ ବାରିକ୍, ପଶୁନ ବାରିକ୍, ଡ୍ରାଇଭ୍ ଦାସ ପ୍ରମୁଖ ସମ୍ପାଦନ କରୁଛନ୍ତି ।
ଏହି ଚବିଶ ପ୍ରହର ନାମଯଜ୍ଞ ରେ ଯୋଗ ଦେଇଥିବା ସଂକୀର୍ତ୍ତନ ଦଳ ଗୁଡିକ ମଧ୍ୟରେ ତୁରୁମୁଙ୍ଗା ସଂକୀର୍ତ୍ତନ ଦଳ, ଗୋଡ଼ି ପୋଖରୀ ସଂକୀର୍ତ୍ତନ ଦଳ , ଭଣ୍ଡାରୀନାଳି ସଂକୀର୍ତ୍ତନ ଦଳ , ଠାକୁରମୁଣ୍ଡା ଦାସସାହି ସଂକୀର୍ତ୍ତନ ଦଳ, ତାଳପଦା ସଂକୀର୍ତ୍ତନ ଦଳ ପ୍ରମୁଖ ନାମ ସଂକୀର୍ତ୍ତନ ପରିବେଷଣ କରୁଛନ୍ତି । ଏହି ଚବିଶ ପ୍ରହର ନାମଯଜ୍ଞ ୨୬ ତାରିଖ ଠାରୁ ଆରମ୍ଭ ହୋଇ ୩୦ ତାରିଖ ଦିନ ନଗର କୀର୍ତ୍ତନ ସହ ଶେଷ ହେବ ବୋଲି ଗୁଳୁଦିପଶି ଗ୍ରାମ୍ୟ କମିଟି ଦ୍ବାରା ଏହି ୨୪ପ୍ରହର ନାମ ଯଜ୍ଞ ଆୟୋଜନ କରାଯାଇଛି।
କେନ୍ଦୁଝରରୁ ଜିଲ୍ଲା ପ୍ରତିନିଧି ଦଶରଥ ବାରିକ୍ ଙ୍କ ରିପୋର୍ଟ ବିଏମସି ନ୍ୟୁଜ୍ ଓଡ଼ିଶା।
